Bizitza orekatu bat izateko bidean laguntzen zaitugu

Gaitasun Handiko Pertsonak

Gaitasun intelektual handiko pertsonek, bataz besteko biztanleriarekin alderatuz, ikasteko eta errendimendurako gaitasun nabarmen handiagoak adierazten dituzte.

Gaitasun intelektual altuak, bataz besteko biztanleriarekin alderatuz, ikasteko eta errendimendurako gaitasun nabarmen handiagori dagozkio. Ezaugarri hau hainbat arlotan ager daiteke, adibidez, adimen orokorra, sormena, pentsamendu kritikoa eta gatazken ebazpena. Haurrek sarritan aparteko ahalmena adierazten dute jakintza-arlo batean edo gehiagotan.

Gaitasun handiko haurren ezaugarriak



Kuriositate aseezina

Haur hauek etengabeko gogoa dute gai berriak ikasteko eta aztertzeko. Beti ari dira galderak egiten eta erantzunen bila.



Ikaskuntza azkarra

Kontzeptu konplexuak erraz eta azkar barneratzeko gai dira, askotan inguruko helduak harrituz.



Pentsamendu kritikoa

Informazioa modu sakon eta gogoetatsuan aztertzeko eta ebaluatzeko gai dira.



Sormena

Irudimen eta originaltasun handia erakusten dute beren ideia eta irtenbideetan.



Sentsibilitate emozionala

Sentigarriagoak eta enpatikoagoak izan daitezke, eta horrek, batzuetan, emozionalki zaurgarriagoak bihurtzen ditu.



Perfekzionismoa

Askotan estandar altuak izaten dituzte beraientzat eta oso autokritikoak izan daitezke.



Interes zabalak eta sakonak

Interes desberdinak izan ditzakete eta gai zehatzetan sakondu.

Ebaluazio eta Diagnostiko Prozesua

Gaitasun altuen ebaluazioa prozesu integral eta pertsonalizatua da, eta hainbat fase hartzen ditu barne:

1. Hasierako Elkarrizketa

Gurasoekin eta umearekin elkarrizketa zehatz batekin hasiko gara, haien garapena eta portaera ulertzeko.

2. Proba Psikometrikoak

Adimen-koefizientea eta gaitasunak: WISC eta WAIS bezalako eskalak erabiltzen ditugu gaitasun intelektualak zehazteko.
Emozioen eta jokabideen esplorazioa: Emozio- eta jokabide-nahaste posibleak ebaluatzen ditugu.
Arreta funtzioen eta funtzio exekutiboen behaketa: arreta funtzioen eta funtzio exekutiboen nahasteak ebaluatzen ditugu, adibidez, ADHN.
Ikasketa-zailtasunak: irakurtzeko, idazteko eta kalkulatzeko zailtasunak ebaluatzen ditugu.
Esplorazio neuropsikologikoa: funtzio neuropsikologikoak ebaluatzen ditugu proba espezifikoak erabiliz.

3. Jokabidearen Behaketa

Haurraren jokabidea hainbat testuingurutan behatzen dugu, hala nola etxean eta eskolan.

4. Galdetegiak eta Autoebaluazio Eskalak

Sintomak eta jokabideak neurtzeko tresna estandarizatuak erabiltzen ditugu.

5. Historia Medikoa

Historia mediko, familiar eta sozialari buruzko informazioa biltzen dugu.

Mitoak eta errealitateak

1. Mitoa: trebetasun handiko haurrek beti ateratzen dituzte nota onenak.

Errealitatea: trebetasun handiko haur askok eskolan errendimendu eskasa izan dezakete motibazio faltagatik eta erronka desegokiengatik.

2. Mitoa: Gaitasun handiko haurrak arlo guztietan dira onak.

Errealitatea: Arlo zehatzetan nabarmendu daitezke eta eta beste batzuetan zailtasunak topatu.

3. Mitoa: Haurrek ez dute laguntzarik behar.

Errealitatea: Euren potentziala garatzeko eta emozioak kudeatzeko laguntza espezifikoa behar dute.

4. Mitoa: Haur bakartiak izaten dira eta ez dute lagunik.

Errealitatea: Trebetasun sozial normalak izan ditzakete, nahiz eta batzuetan beren kideek gaizki ulertuak senti daitezkeen.

5. Mitoa: gaitasun handiak haurtzaroan bakarrik hautematen dira.

Errealitatea: bizitzako edozein garaitan identifikatu daitezke, nahiz eta laguntza egokia emateko goiz egitea gomendatzen den.

Guraso eta ameentzako aholkuak

1. Jakin-mina sustatu

Eman zure haurrari bere interesa pizten duten liburu, jarduera edota baliabideak. Animatu galderak egitera eta pasioak aztertzera.

2. Euren interesak sustatzea

Lagundu zure haurrari bere interesetan sakontzen eta eman horiek aztertzeko aukerak.

3. Euren emozioak balioztatu

Entzun eta aintzat hartu zure haurraren sentimenduak. Lagundu frustrazioa eta perfekzionismoa kudeatzen.

4. Errutinak eta Egitura ezartzea

Sortu ingurune egonkorra, segurtasuna ematen duten eta antsietatea murrizten duten eguneroko errutinekin.

5. Laguntza bilatu

Konektatu egoera antzerakoan dauden beste guraso batzuekin eta laguntza-taldeetan parte hartu. Esperientziak partekatzea oso erabilgarria izan daiteke.

6. Autoestimua sustatu

Ospatu zure haurraren lorpenak eta ahaleginak. Lagun iezaiozu nortasun positiboa garatzen eta bere gaitasunez harro sentitzen.

7. Saihestu Presioa

Ez jarri gehiegizko espektatibak. Utzi haurrari bere haurtzaroaz gozatzen eta bere erritmoan esploratzen.

8. Erronka intelektualak eskaintzea

Eman zure haurraren pentsamendu kritikoa eta sormena sustatzen dituzten erronka jarduerak.

Deitu iezaguzu

Posta elektronikoa